САР БҮРИЙН 01, 15-НЫ ӨДӨР, ДОЛОО ХОНОГ БҮРИЙН БААСАН ГАРАГТ СОГТУУРУУЛАХ УНДААГ ХУДАЛДАХ, ТҮҮГЭЭР ҮЙЛЧЛЭХИЙГ ХОРИГЛОЛОО

Ховд аймгийн  нутаг дэвсгэрт согтууруулах ундаа худалдах, түүгээр үйлчилгээ эрхлэх тусгай зөвшөөрөлтэй худалдаа, үйлчилгээний газрын үйл ажиллагаа явуулах цагийн хязгаарыг шинэчлэн баталлаа. Уг захирамжаар сар бүрийн 01, 15-ны өдөр, долоо хоног бүрийн баасан гарагт Ховд аймгийн нутаг дэвсгэрт согтууруулах ундаа худалдах, түүгээр үйлчлэхийг хориглосон.

Тодруулбал, тус аймгийн Засаг даргын 2020 оны 06 дугаар сарын 15-ны өдрийн А/322 дугаар захирамжаар аймгийн нутаг дэвсгэрт согтууруулах ундаа худалдах, түүгээр үйлчилгээ эрхлэх тусгай зөвшөөрөлтэй худалдаа, үйлчилгээний газрын үйл ажиллагаа явуулах цагийн хязгаарыг шинэчлэн баталлаа. Харин Хууль зүй, дотоод хэргийн яаманд хянуулснаар 2020 оны захиргааны хэм хэмжээний актын улсын нэгдсэн бүртгэлийн 3647 дугаарт бүртгүүлэв.