АХЛАГЧ БҮРЭЛДЭХҮҮНИЙ ЦУГЛАРАЛТ, СУРГАЛТ ЗОХИОН БАЙГУУЛАГДАЖ БАЙНА.

Цагдаагийн газраас “Ахлагч нарын өдөр”-ийг тэмдэглэн өнгөрүүлэх ажлын төлөвлөгөөний дагуу ахлагч бүрэлдэхүүний цугларалт, сургалтыг 2019 оны 11 дүгээр сарын 06, 07-ны өдрүүдэд зохион байгуулж байна.
Сургалтаар “Шинэчлэн батлагдсан цэргийн дүрэм”, “Гомдол мэдээлэл хүлээн авах, Зөрчил шалган шийдвэрлэх ажиллагаа”, “Хэргийн газрыг хамгаалалтад авах хойшлуулшгүй ажиллагаа явуулах”, “Сэтгэл зүйн бэлтгэл”, “Галт зэвсэг хэрэглэх, биедээ авч явах, хадгалах, хамгаалах”, “Зөв харилцаа эерэг хандлага” зэрэг сэдвээр тасаг албадын дарга, ахлахууд болон Ховд их сургуулийн Хэл уран зохиолын тэнхимийн монгол хэл, уран зохиолын багш, доктор дэд профессор Б.Цэрэндаваа нар хичээл, лекц орлоо.
Цугларалтын төгсгөлд ахлагч бүрэлдэхүүнийн дунд мэргэжлийн ур чадварыг сорих “Шилдэг цагдаа” тэмцээнийг зохион байгуулж, цагдаагийн газрын даргатай “Зангиагүй ярилцлага” хийх юм.